Ысык-Көлдө 11-майда 8-эл аралык «Run the Silk road» марафону башталды. Жөө күлүктөр Чолпон-Ата шаарынын ат майданынан Корумду айылына чейин чуркашат.
Марафонго 27 өлкөдөн 3 миңге чукул киши катышууда. Алар 42 чакырым 195 метр, 21 чакырым 97 метр (жарым марафон), 10 жана 3 чакырым аралыкта чуркашат. Андан сырткары 3 чакырым скандинавиялык жүрүш да болот.
Иш-чарага байланыштуу Балыкчы-Ананьево–Каракол жолунда унаалардын жүрүшүнө кечки саат 17:30га чейин чектөө коюлат. Машинелер убактылуу Балыкчы-Бөкөнбаев-Каракол жолу менен каттайт.
Марафонду Жаштар иштери, дене тарбия жана спорт агенттиги, Улуттук олимпиада комитети, Жеңил атлетика федерациясы жана «Эл аралык марафон боюнча дирекциясы» коомдук уюму уюштурду. Жалпы байге фонду 2 млн. 790 миң сомду түзөт. (GT)
