Линктер

ЧУКУЛ КАБАР!
4-Декабрь, 2021 ишемби, Бишкек убактысы 16:10

Ак-Суу районунун тургундары эс алуу жайын жабууну талап кылышты


Ак-Суу району.

Ак-Суу районунун 30 чакты тургуну аймактагы «Ак-Суу кенч» эс алуу жайын жабууну талап кылып чыкты. Алар эс алуу жайындагы бассейндин суусу Ак-Суу дайрасына куюп жатканына нааразы болуп жатышат. Мындан сырткары аталган аймакта мыйзамсыз курулуштар жүрүп жатканы тууралуу кеп козголуп, аны текшерүү талабы коюлду.

Жергиликтүү бийлик өкүлдөрүнүн айтымында, эс алуу жайын текшериш үчүн райондук деңгээлде комиссия түзүлгөн. Ага райондук акимчиликтин, Мамэкотехинспекциянын, Өзгөчө кырдаалдар министрлигинин, санэпидемстанциянын жана башка тийиштүү мекемелердин өкүлдөрү кирген.

«Ак-Суу кенчтин» жетекчисинин күйөөсү Нурлан Урманаев бассейндин суусу эч кандай сууга куйбай тургандыгын айтып, мыйзамсыз курулуштар маселеси жакынкы күндөрдө чечилерин белгиледи. Ал жергиликтүү бийлик жана тургундар ишкердикке тоскоолдук кылып жатышат деп эсептейт. (AsM)

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG