Линктер

ЧУКУЛ КАБАР!
4-Декабрь, 2021 ишемби, Бишкек убактысы 13:23

«Eurovision-2019»: Нидерланддар жеңди


Тел-Авивде өткөн эл аралык «Eurovision-2019» ыр таймашында Нидерланддардан катышкан Дункан Лоуренс жеңүүчү болду. Анын "Arcade" деген ыры сүйүү жана жоготуу жөнүндө. Букмекерлер Лоуренстин утушун алдын ала божомолдошкон эле.

«Eurovision-2019» популярдуу шоусу Израилде 12-майда расмий башталып, 41 мамлекеттен ырчылар күч сынашты. 14-16-майда биринчи жана экинчи жарым финал, 18-майда финал болду. Баш байге - хрусталь микрофон үчүн 26 мамлекеттин ырчылары ат салышты.

Экинчи орунду Италия, үчүнчүнү Орусия алды.

Лоуренс элдик добуш берүү менен алдыга озуп чыкты. Ал эми калыстар швециялык Жон Лундвикти жана Түндүк Македониядан катышкан Тамара Тодевсканы колдошту. Акыркы жыйынтыкта Жон алтынчы, Тамара сегизинчи орунга түшүп калды.

Европа телерадиоберүү бирикмеси түптөгөн бул шоу 1956-жылдан бери жыл сайын уюштурулат жана кайсы мамлекеттин өкүлү жеңсе, ыр жарыш кийинки жылы ошол өлкөдө болот. Былтыр Португалиядагы сынакта израилдик Нетта уткан.

​Ыр таймаш Тел-Авивде коопсуздук чаралары күчөтүлгөн жагдайда, «Тартынбай кыялдан» деген ураан менен өттү.

Нидерланддар мурда бул шоуда төрт ирет жеңген. (SE)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG