Линктер

ЧУКУЛ КАБАР!
3-Декабрь, 2021 жума, Бишкек убактысы 23:20

Дача СУ: экспертизанын жыйынтыгы дагы текшерилип жатат


Кандуу учакты эске салган эстелик.

«Манас» аэропортунун жанында жайгашкан Дача СУ конушуна кулаган учак боюнча буга чейин жүргүзүлгөн экспертизанын жыйынтыгы кайрадан текшерилүүдө.

Бул тууралуу «Азаттыкка» ИИМдин басма сөз катчысы Бакыт Сеитов билдирди. Анын айтымында, кылмыш иши толугу менен кайрадан электен өткөрүлүп, башынан иликтене баштады. Азырынча учак кырсыгына байланыштуу эч ким суракка чакырыла элек.

Буга чейин башкы прокурор Өткүрбек Жамшитов парламенттин тармактык комитетинин жыйынында учак кырсыгы боюнча Ички иштер министрлигинин (ИИМ) кылмыш ишин козгоодон баш тартуу тууралуу чечими жокко чыгарылып, иш жанданганын айткан.

Ал учактагы жүк кимге таандык болгону тууралуу «тергөөнүн купуялуулугу үчүн» деп маалымат берген эмес. Тергөө ишин ИИМ жүргүзүп жатат.

2017-жылдын 16-январында таңкы жети жарым чамасында түркиялык компанияга таандык «Боинг-747» үлгүсүндөгү жүк ташуучу учак Бишкектин түндүк тарабындагы «Манас» аба майданынын жанына кулап түшкөн.

Кырсыктын айынан аба майданынын жанындагы Дача СУ айылынын 35 тургуну, андан тышкары учактагы төрт учкуч мерт болгон. (КЕ)

Пикирлерди көрүңүз (14)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG