Линктер

ЧУКУЛ КАБАР!
30-Ноябрь, 2021 шейшемби, Бишкек убактысы 03:47

Жалал-Абадда диний радикалдашуунун зыяны түшүндүрүлүүдө


Окутуу учурунан. Жалал-Абад. 23-май, 2019-жыл.

Облус аймагындагы бардык район-шаарларда дин аалымдары менен эксперттер жергиликтүү тургундарга, имам-хатибдерге жана жаштарга диний экстремизмдин, терроризмдин жана радикализмдин алдын алуу боюнча атайын окутуу жүргүзүп жатышат. Облустук милициянын басма сөз кызматынын маалыматына караганда, иш-чара учурунда катышуучуларга «Хизб ут-Тахрир», «Акромия» диний-экстремисттик жана «Йакын инкар» диний агымынын ишмердүүлүгү, алардын коомдогу жана мыйзамга каршы терс көрүнүштөрү жөнүндө кеңири баяндалууда. Жолугушуулар маданият үйлөрүндө, мечиттерде уюштурулган.

Кыргызстандын аймагында 21 экстремисттик жана террористтик топтун ишине жана алардын идеяларын жайылтууга тыюу салынган.

Расмий маалыматтарга ылайык быйыл жыл башынан бери облус аймагында диний экстремизм багытында 17, улут аралык кастыкты козутуу боюнча 3 факты аныкталган.

Учурда диний-экстремисттик көз карашты колдогон 687 адам милициянын каттоосуна алынган. Алардын 500дөн ашыгы «Хизбут-Тахрир» диний-экстремисттик, 68 адам «Йакын инкар» диний уюмунун мүчөлөрү. (RsK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG