Линктер

ЧУКУЛ КАБАР!
24-Октябрь, 2021 жекшемби, Бишкек убактысы 15:10

Нурбек Мурашев кызматтан кетүү боюнча арыз жазды


Нурбек Мурашев.

Айыл чарба министри Нурбек Мурашев өз каалоосу менен кызматтан кетип жатканы кабарланды.

Өкмөттүк аппараттын маалыматтык камсыздоо кызматынын башчысы Чыңгыз Эсенгуловдун «Азаттыкка» айтканы боюнча, Мурашевдин арызын премьер-министр канааттандырган.

- Премьер-министр Мухаммедкалый Абылгазиев Нурбек Мурашевди өзү берген арызына ылайык ээлеген кызматынан бошотуу боюнча президентке сунуш киргизди, - деди өкмөттүк аппараттын өкүлү.

Акыркы чечимди мамлекет башчы кабыл алат. Маалыматтарга караганда, Мурашевдин министрлик кызматтан кетишине анын саламаттыгы начарлашы себеп болгон.

Нурбек Мурашев апта башында начар иштеп жаткан министр катары ишкерлердин эң төмөн баасына татып, «кара көлөч» сыйлыгы ыйгарылган. Мурашев ага чейин да көп жолу сынга кабылып келген. Буга башкы себеп - былтыр арбын айдалган картөшкөнүн түшүмү сатылбай, ороодо чирип жатканы болуп жатат.

Нурбек Мурашев 2016-жылдын аягында айыл чарба министри болуп дайындалган. Адеп кызматка келгенде эле Өзбекстанга картөшкө экспорттоорун айткан эле. Бирок ал ишке ашкан эмес. (ZKo)

Пикирлерди көрүңүз (39)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG