Линктер

ЧУКУЛ КАБАР!
13-Май, 2021 бейшемби, Бишкек убактысы 04:13

Жамалдинов: Өкмөт памирлик кыргыздардын жарандык маселесин чечиши керек


Зиядин Жамалдинов.

Жогорку Кеңештин депутаты Зиядин Жамалдинов парламенттин 30-майдагы жыйынында Ооганстандан көчүрүлүп келген памирлик кыргыздарга жарандык берүү жана жумуш менен камсыз кылуу маселесин көтөрдү.

- Эгер памирлик кыргыздар «Кыргызстанда калабыз, жарандык алабыз» десе муну тез арада чечиш керек. Өкмөткө Ооганстан менен бул боюнча сүйлөшүүлөрдү жүргүзүүнү тапшыралы. Аларга жер бөлүп берип, жумуш менен камсыз кылыш керек, - деди Жамалдинов.

Ооганстандан Нарынга көчүрүлүп келген памирлик кыргыздар 23-майда Бишкекте Тышкы иштер министрлигинин, Мамлекеттик миграция кызматынын жана ​Мамлекеттик каттоо кызматынын өкүлдөрү менен жолуккан. Анда алар Кыргызстандын жарандыгын алуу ниетин билдиришкен.

2017-жылы жаңыча жашоого ылайыкташуу үчүн Ооганстандан Нарынга 50 памирлик кыргыз көчүрүлүп келген. 11 үй-бүлө же 49 киши Нарында жашаса, экөө Ошто окуп жатат. Былтыр 18и Ооганстанга кетип, бирөө гана кайтып келген. Алар Кыргызстандан билим алып, кайра Ооганстанга барып ал жактагы адамдардын кат-сабатын өнүктүрүү келишими менен келген. (BTo)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG