Линктер

ЧУКУЛ КАБАР!
16-Май, 2021 жекшемби, Бишкек убактысы 16:28

Дональд Тусктун Борбор Азиядагы сапары Тажикстандан башталды


Европа кеңешинин президенти Дональд Туск.

Европа кеңешинин төрагасы Дональд Туск Борбор Азиядагы төрт күндүк сапарын Тажикстандан баштады. Аны 29-майдын кечинде Тажикстандын тышкы иштер министри Сирожиддин Мухриддин тосуп алды.

Буга чейин Европа Кеңеши Дональд Туск 29-майдын 2-июнга чейинки сапарында Тажикстандын президенти Эмомали Рахмон, Казакстандын президенти Касым-Жомарт Токаев жана Өзбекстандын президенти Шавкат Мирзиёев менен жолугарын кабарлаган.

Тусктун үч мамлекеттеги сапары Европа Биримдиги Борбор Азия боюнча жаңы стратегиясын кабыл алгандан кийин болуп отурат. Европа комиссиясы 15-майда Борбор Азиядагы республикалар менен «бекемирээк, заманбап, өнөктөштүк» мамилелерди куруу максатында Борбор Азия боюнча жаңы стратегиясын беиткен. 16 барактан турган документте жакынкы беш жылда Европа комиссиясы Борбор Азиядагы беш мамлекет - Казакстан, Кыргызстан, Тажикстан, Түркмөнстан жана Өзбекстан менен эмнеге жетишүүнү көздөй тургандыгы боюнча темалар белгиленген.

Так саясат тууралуу кеңири жазылбаган стратегия - 2007-жылы кабыл алынган документтин жаңыланган варианты.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG