Ош шаардык ички иштер башкармалыгынын басма сөз кызматы тараткан маалымат боюнча, ал Ош шаарынын «Кыргызстандын 40 жылдыгы» мектебинин окуучусу Самат Акматов деген бала болгон. Аны бычактаганга шектүү катары андан бир жаш улуу Д. у Н. кармалды.
Тергөөнүн алгачкы маалыматтарына караганда, балдар бүгүн, 30-майда мектептен чыгып келе жатып, мектептен алыс эмес жайда жайгашкан дүкөндүн алдында өз ара айтышып кеткен. Натыйжада шектүү маркумду учтуу нерсе менен сайып жиберген.
Буга чейин 28-майда Бишкектеги №48 мектептин 9-классынын окуучусу ур-токмоктон кийин каза болгон. Бул факт боюнча Жазык кодексинин «Ден соолукка оор зыян келтирүү» беренеси менен сотко чейинки өндүрүш башталган. (MdN/BTo)
