Линктер

ЧУКУЛ КАБАР!
4-декабрь, 2020 жума, Бишкек убактысы 11:42

Клара Сооронкулова: «Азаттыктын» иликтөөсүнүн негизинде иш козгоп, коомдук комиссия түзүш керек


Клара Сооронкулова.

«Азаттыктын» «Кыргызстандан чыгарылган миллиондордун изи» деген иликтөөсүнүн негизинде сотко чейинки өндүрүш баштоо зарыл. Мындай пикирин бүгүн Конституциялык палатанын мурдагы судьясы, юрист Клара Сооронкулова билдирди:

- Ошол айтылган суммалар, иш-аракеттер боюнча иш козголушу керек. Болгондо да бир эле мекемеде эмес, жалпы комиссия түзүлүп, ошол иликтеши зарыл. Себеби тергөө маалында маалымат алууга мүмкүнчүлүк ачылат. «Азаттыктын» иликтөөсү боюнча парламенттик комиссия түзүлүшү керек. Бүгүн эле Жогорку Кеңеште маселе коюлушу керек эле, бирок бул жерде да кооптоно турган маселе бар. Себеби чай ичишип жүргөн депутаттар эмес, көбүнчө жарандык коомдон эксперттер кирген, объективдүү иштей турган комиссия түзүлүшү зарыл. Органдар өзүлөрүнө тийиштүүсүн тергейт, бирок ошолордон көз каранды эмес дагы бир коомдук комиссия иштеши керек.

29-майда «Азаттык» радиосунун «Ыңгайсыз суроолор» программасы эфирге чыккан. «Кыргызстандан чыгарылган миллиондордун изи» деген көрсөтүүнүн автору Али Токтакунов Мамлекеттик бажы кызматынын төрагасынын мурдагы орун басары Райымбек Матраимовдун жакындарына катталган мүлк тууралуу сөз кылган.

Экономикалык кылмыштарга каршы күрөш боюнча мамлекеттик кызмат (Финансы полициясы) баштапкы маалыматтарга таянып, ал миллиондор ири базарларда иштеген ишкерлердин импорттук акчасы экенин айтты. (RK)​

Пикирлерди көрүңүз (13)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG