Линктер

ЧУКУЛ КАБАР!
23-Октябрь, 2021 ишемби, Бишкек убактысы 11:54

Казакстан Сириядагы 200дөн ашык жаранын алып келди


Иллюстрациялык сүрөт.

Казакстан Сириядагы согуш аймактарынан дагы 171 жаш баланы жана 67 аялды мекенине кайтарып келди. Бул тууралуу президент Касым-Жомарт Токаевдин билдирүүсүндө айтылат.

Маалыматка ылайык, 28-31-май аралыгында өткөн «Жусан» гуманитардык операциясынын алкагында мекенине кайтарылган жарандар учурда атайын адаптациялык борборго жайгаштырылды.

Ушуну менен казак бийлиги Сириядан 357 жаранын Казакстанга алып келди. Буга чейин мындай операция эки жолу ишке ашкан эле.

Ушул аптада Өзбекстан Жакынкы Чыгыштагы согуш аймактарынан 156 жаранын кайтарып келгени кабарланган.

Буга чейин жакындары Сириядагы диний-экстремисттик топторго кошулуп кеткен айрым кыргызстандыктар ал өлкөдө жүргөн кыз-келиндерин жана неберелерин кайтарганга жардам берүүнү өтүнүп, президент Сооронбай Жээнбеков баш болгон өлкө жетекчилерине кайрылышкан.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG