Бакен Кыдыкеева атындагы жаш көрүүчүлөр театры ушул күндөрдө Татарстан мамлекетинин Казан шаарында өтүп жаткан «Нооруз» эл аралык театр фестивалына катышып жатат.
Кыргыз өнөрпоздору 2-июнда Тинчурин театрында калыстар тобуна түрк драматургу Тунжер Дүженоглунун «Көчкү» спектаклин көрсөтөт. Бул тууралуу театрдын жетекчиси Жолдошбек Жанжигит уулу кабарлады.
Алгач жаш көрүүчүлөр театры 28-майда Башкортостан өлкөсүнө сапар алып, Уфа шаарында болуп өткөн «Туганлык-2019» эл аралык театр фестивалына катышкан. Ал кароо-сынакта кыргыз театры «Көчкү» спектакли менен «Эң мыкты психологиялык спектакль» номинациясына ээ болгон.
Театрдын жамааты 3-июнда кайтып келет. Ал эми театр фестивалы 7-июнда жыйынтыкталат. (ZA)
