Линктер

ЧУКУЛ КАБАР!
5-Декабрь, 2021 жекшемби, Бишкек убактысы 07:56

АКШга виза алуунун шарты татаалдашты


Иллюстрациялык сүрөт.

АКШнын Мамлекеттик департаменти өз өлкөсүнө виза алуунун жаңы шарттарын иштеп чыкты. Эми Кошмо Штаттарга виза алгысы келген адам социалдык тармактардагы аккаунттарын көрсөтүп, акыркы беш жылдагы телефон номерлерин айтышы керек.

Мамдепартамент өкүлдөрү мындай чара «террорчуларды жана башка кооптуу адамдарды аныкташ үчүн» киргизилип жатканын түшүндүрдү.

Виза алыш үчүн кайрылган адам социалдык тармактарда катталбаганы жөнүндө маалымат берүүгө укугу бар. Бирок текшерүүнүн жүрүшүндө бул жалган болуп чыкса, анын «кесепети» болору эскертилди.

Буга чейин социалдык тармактардагы аккаунттарды террорчул топтор иш жүргүзгөн аймакка барган адамдар көрсөтүүгө милдеттүү болчу.

Мындан ары АКШга туристтик, студенттик же жумуш визасын алууну каалаган ар бир адам жаңы шартты аткарышы керек.

Дипломаттар менен расмий делегациянын курамында Кошмо Штаттарга бара жаткандар гана мындай милдеттенмеден бошотулду.

Пикирлерди көрүңүз (7)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG