Бишкекте темир жолдогу жарылууда төрт адам жаракат алды. Алардын денеси күйүп, ооруканага түштү. Жабыркагандардын бири реанимацияда жатат. Баарынын абалы оор экенин «Азаттыкка» Чукул медицина борборунун башкы дарыгери Искандер Шаяхметов билдирди.
«Кыргыз темир жолу» ишканасынын басма сөз кызматы окуя болгонун тастыктап, Бишкек Жылуулук электр борборунан келген түтүк туташкан кеңейтүүчү бак жарылганын маалымдады.
Жарылуу бүгүн, 3-июнда саат 08.50 чамасында Лев Толстой жана Логвиненко көчөлөрүнүн кесилишиндеги темир жолдо болгон. (SE)
