Линктер

ЧУКУЛ КАБАР!
27-Ноябрь, 2021 ишемби, Бишкек убактысы 20:44

Баткенде табылган беш авиабомба жок кылынды


Авиабомбаларды жок кылуу учуру.

Баткен облусунун Өзбекстан менен чектеш Ак-Турпак айыл аймагынан беш даана авиабомба табылып, жок кылынганын 3-июнда айыл өкмөт кабарлады. Аймакта эки ай бою Куралдуу күчтөрдүн атайын адистери издөө иштерин жүргүзүштү.

Бул айыл аймагындагы конуштардан, эгин талааларынан жыл сайын жарылбай калган авиабомбалар табылып турат.

Кийинки жылдары жергиликтүү бийлик атайын кызматтарга кайрылып, аймак калкынын коопсуздугу үчүн издөө иштерин жүргүзүп берүүнү өтүнүп, тазалоо жумуштарын жүргүзүп келет.

Эки ай бою тазалоо иштери жүрүп, 1943-1973-жылдары Өзбекстан авиациялык машыгуу өткөрүп келген жайдын 90 гектардай аймагы кароодон өткөн. Анда жарылбай калган беш даана авиабомба табылды. Былтыр да ушундай издөө иштери жүрүп, 20 авиабомба табылган. (JsA)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG