Жогорку Кеңештин Эл аралык иштер, коргоо жана коопсуздук боюнча комитети бүгүн, 4-июнда чек ара маселесин карайт. Күн тартибине кыргыз-тажик мамлекеттик чек арасы боюнча токтомдун аткарылышы тууралуу маселе кирди.
Быйыл 3-апрелде депутаттар токтом кабыл алып, кыргыз-тажик чек арасындагы социалдык жана башка маселелерди чечүүнү өкмөткө тапшырышкан.
13-14-мартта Кыргызстандын Ак-Сай жана Тажикстандын Мехнатабад айылдарынын тургундарынын ортосунда чатак чыккан. Анын натыйжасында бир нече адам жабыр тарткан.
20-майда кыргызстандыктар колдонуп келген мүрзөнүн аймагына тажик чек арачылары кирип келип, элди ага жолотпой койгону маалымдалган. (RK)
