Орозо айт майрамынын урматына АКШнын Кыргызстандагы элчиси Доналд Лу жана элчиликтин кызматкерлери кыргыз тилинде жарамазан айтып, куттуктоо таратышты.
Куттуктоо жазылган видео элчиликтин социалдык тармактагы баракчаларына 4-июнда жарыяланды.
Орозо айы 6-майда башталган. Кыргызстан мусулмандарынын дин башкармалыгы Айт майрамы 5-июнда болорун билдирген.
Бирок Сауд Арабиясы, Орусия, Түркия өңдүү бир катар мамлекеттер айтты 4-июнда белгилешти. Жыйырмага жакын өлкөдө 5-июнда болот.
Кыргызстанда калктын 80 пайыздан көбүн мусулмандар түзөт. (SE)
