Орусиянын президенти Владимир Путин жана Кытайдын төрагасы Си Цзиньпин эки өлкө ортосундагы алака-катышты «азыркыдан да жогорку деңгээлге» көтөрүүнү макулдашты.
Кечээ, 5-июнда Кытайдын башчысынын Москвадагы үч күндүк сапары башталды.
Орус лидери Путин кытайлык делегациянын курамында маанилүү мекемелердин жана ишканалардын жетекчилери бар экенин белгиледи.
- Бул көрүнүш сиздин иш сапарыңызды конкреттүү жана эки тарапка тең түшүнүктүү мазмунга толтуруп, ортодогу келишимдерди ишке ашырууга өбөлгө түзөт, - деди Путин.
Орус-кытай мамилеси учурда эң жогорку деңгээлде болуп турат.
Эки өлкө бир катар эл аралык маселелер боюнча бирдей позицияда. (RK)
