Жогорку Кеңеште бүгүн 6-июнда жалпы жыйын болбойт, депутаттар эл кыдырып, жолугушууларды өткөрүшөт.
Өткөн аптада парламент 6-7-июнь күндөрү өлкө аймагында шайлоочулар менен жеринде иш алып барууну чечишкен. Бул тууралуу Жогорку Кеӊештин токтому кабыл алынган.
Июнь айынын соңунда парламент жайкы эс алууга кетип, сентябрдын башында кайрадан ишке киришет.
120 мандаттуу кыргыз парламентинде алты фракция бар.
Алардын төртөө - КСДП, «Республика - Ата Журт», «Кыргызстан» жана «Бир Бол» башкаруучу коалицияда. Ал эми «Ата Мекен» жана «Өнүгүү-Прогресс» оппозициялык азчылыкта. (RK)
