Линктер

ЧУКУЛ КАБАР!
16-Октябрь, 2021 ишемби, Бишкек убактысы 22:18

Литва парламенти крым татарларын депортациялоону геноцид деп тааныды


Крым татарларынын балдары. Киев, 18-май, 2019-жыл.

6-июнда Литванын парламенти 1944-жылдагы крым татарларын депортациялоону геноцид деп тааныды. 79 депутаттын 77си буга макул деп добуш берди, эч ким каршы чыккан жок.

1944-жылы 18-майда СССРдин башкы командачысы Иосиф Сталиндин буйругу менен крым татарлары Крымдан күчтөп чыгарылган. Советтер Союзунда «депортациялоого крым татарлары Экинчи дүйнөлүк согуш маалында нацисттик Германияны колдогону себеп болду» деп түшүндүрүшкөн. Кийин СССР бийлиги, андан соң Орусия жана Украина депортациялоону мыйзамсыз деп тааныган.

Расмий маалыматтар боюнча, 191 миң адам мекенин таштап кетүүгө мажбур болгон. Алардын басымдуу бөлүгү Өзбекстанга, Казакстанга жана Тажикстанга, аз бөлүгү Марий АССРине, Уралга, Кострома облусуна жана Тулага көчүрүлгөн.

Активисттердин баасы боюнча, күчтөп көчүрүүнүн натыйжасында крым татарларынын 46 пайызы кайтыш болгон.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG