Линктер

ЧУКУЛ КАБАР!
15-Май, 2021 ишемби, Бишкек убактысы 06:02

Токаев президенттик шайлоону «тарыхый» деп баалады (видео)


Касым-Жомарт Токаев.

Казакстандын азыркы президенти, «Нур Отан» партиясынан президенттик шайлоого ат салышып жаткан Касым-Жомарт Токаев Нур-Султанда добуш берди. Андан соң журналисттерге чыгып сүйлөп, бул шайлоону «тарыхый» деп баалады.

Токаев «Азаттыктын» казак кызматынын кабарчысынын «Коомдо болуп жаткан нааразылык акциялары жөнүндө кабарыңыз барбы? «Токаев - менин президентим эмес» деген ураандар жөнүндө эмнелерди айта аласыз?» - деген суроосуна мындай жооп берди:

- Анын баарынан кабарым бар. Мен ар түрдүү жаңылыктарды угуп турам. Бул элдин тандоосу. Эгер айрым жарандар ошондой ураан таштаса, анда алардын тандоосу ошондой.

​Буга чейин Алматы жана Нур-Султан шаарларындагы көп балалуу энелер жана өлкөдөгү оппозициянын тарапкерлери бир нече жолу нааразылык акцияларына чыгышкан. Буга кошумча «Ойгон, Казакстан» жана «Токаев - менин президентим эмес» деген ураан алдында активист жаштардын акциялары утур-утур уюштурулган эле.

Казакстанда бүгүн президенттик шайлоо өтүп жатат. Борбордук шайлоо комиссиясы добуш берүү 9-июнда эртең менен саат 7:00дө башталып, кечки саат сегизге чейин уланарын билдирген. Президенттик орунга жети талапкер ат салышууда.

Алардын арасында Нурсултан Назарбаевден кийин президенттик кызматка киришкен Касым-Жомарт Токаев бар.

Бул - Казакстандын эгемен тарыхындагы Нурсултан Назарбаев катышпаган алгачкы президенттик шайлоо. (BkA)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG