Линктер

ЧУКУЛ КАБАР!
19-Май, 2021 шаршемби, Бишкек убактысы 09:33

Жээнбеков: Улуттук азчылыктар боюнча маселе - Кытайдын ички иши


Сооронбай Жээнбеков.

Бул тууралуу Кыргызстандын президенти Сооронбай Жээнбеков Кытайдын төрагасы Си Цзиньпиң менен жолугушууда билдирди. Анын айтымында, Кыргызстан менен Кытайдын ортосундагы бекем достук орношуна тоскоолдук жараткан күчтөр бар.

- Кытайдагы улуттук азчылыктар боюнча маселе - бул өлкөнүн ички иши деп эсептейбиз, - деди Жээнбеков.

Кыргыз президенти Тайвань маселеси боюнча да сүйлөп, расмий Бишкек Кытайдын позициясын колдой тургандыгын жана бул аймактагы жападан-жалгыз мыйзамдуу бийлик катары Бээжинди тааный турганын кошумчалады.

Кытайда башка аз улуттун өкүлдөрүнүн катарында кыргыздар да камакка алынып жатканы жөнүндө кабарлар былтыр күз айынан бери чыга баштаган. Казакстандык «Ата Журттун ыктыярдуу жаштары» уюмунун кабары боюнча, Кытайда кыргыз улутундагы 50 миңдей жаран камакта отурат.

Буга байланыштуу кытайлык жана кыргызстандык активисттер баш калаада атайын жыйындарды жана митингдерди өткөрүшкөн. Бишкекте «Кытайдагы кыргыздарды колдоо комитети» да түзүлгөн. Буга байланыштуу кыргыз бийлигин Кытайдагы кыргыздардын абалына таасир этүүгө чакыргандар чыккан. (BkA\ErN)

Пикирлерди көрүңүз (16)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG