Кыргызстандын экс-президенти Роза Отунбаева Лондондо «Жалпы кызыкчылыктарды издөө» уюмунун кезектеги жыйынына катышууда.
Бүгүн, 17-июнда Бириккен Королдуктун өкмөтү менен тынчтык орнотуу тармагындагы кызматташтыктын 20 жылдыгына карата сыйлык тапшыруу салтанаты өтөт. Бул сыйлык чыр-чатактарды басууга, сүйлөшүүлөрдү жүргүзүүгө жана тынчтык орнотууга салымын кошкон ишмерлерге берилет.
Сыйлыктын 2018-жылдагы лауреаты Отунбаева быйылкы сыйлыкты Шри-Ланканын мурдагы президенти Чандрика Бандаранаике Кумаратунга айымга тапшырат.
Эки мамлекеттик ишмер ошондой эле тынчтык орнотуу, жаңжалдардын алдын алуу жана жөнгө салуу боюнча мастер-класс өткөрүшөт.
Иш-чарага жүздөн ашуун өлкөнүн белгилүү мамлекеттик ишмерлери, дипломаттар, ишкер чөйрөнүн жана маданият тармагынын өкүлдөрү катышат.
«Жалпы кызыкчылыктарды издөө» уюму Кыргызстан менен 2012-жылдан бери кызматташып келе жатат. (RK)
