Линктер

ЧУКУЛ КАБАР!
10-Май, 2021 дүйшөмбү, Бишкек убактысы 12:15

Түркмөн президенти уулун губернатор кылып дайындады


Сердар Бердимухаммедов депутаттык күбөлүгүн алган учуру. Ноябрь, 2016-жыл.

Түркмөн президенти Гурбангулы Бердымухаммедовдун жалгыз уулу Сердар Бердымухаммедов Ахал провинциясынын башчысы болуп дайындалды.

Түркмөнстандын мамлекеттик маалымат агенттиги 17-июнда кабарлагандай, аны аймакка жетекчи кылуу тууралуу буйрукту атасы, президент Гурбангулы Бердымухаммедов чыгарды.

Ахал провинциясы - мурдагы Ашхабад облусу. Быйыл январдан бери 37 жаштагы Сердар Бердымухаммедов облус жетекчисинин орун басары болуп иштеп келаткан. Ал куралдуу күчтөрдүн подполковниги.

2016-жылы президенттин уулу түркмөн парламентине депутат болуп шайланган. 2018-жылы тышкы иштер министринин орун басары болуп иштеген. Мындан тышкары да бир катар кызматтарга дайындалган.

Байкоочулар ал атасы менен коомдук иш-чараларга көп чыга баштаганын айтышууда. Өлкөнүн расмий кабарларында аны «элдин уулу» деп аташат. Аны «Аркадагдын» мураскери деп мүнөздөгөндөр да бар.

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG