Бийчи Атай Өмүрзаков жетектеген «Totem Show» тобу Кытайда World’s Got Talent таланттар шоусунун финалына чыкты. Бул тууралуу Өмүрзаков Фейсбуктагы жеке баракчасына жазды.
Ошентип, кыргызстандыктар быйылкы сезондогу эң мыкты деген сегиз артисттин катарына киришти.
Долбоорго дүйнө жүзүнөн 50 мамлекеттин өкүлдөрү катышууда.
Жарым финалда «Totem Show» Венгриядан, Монголиядан, АКШдан, Испаниядан жана Ирландиядан баргандар менен ат салышты.
Өнөр таймашынын финалы 11-июлда Кытайдын Чанша шаарында өтөт.
Өмүрзаков бийчилер тобу каржылык колдоого муктаж экенин да жазып, каалагандарды кызматташууга чакырды.
Бийчи буга чейин Украина, Орусия, Чехия, Британия жана башка өлкөлөрдө сынактарга катышып, байгелүү орундарга ээ болгон. (RK)
