Жалал-Абадда куткаруучулар дайынсыз болуп жаткан эки жашар наристени бир күндөн кийин аман-эсен таап алышты.
Өзгөчө кырдаалдар министрлигинин маалыматына караганда, окуя Ноокен районунун Жерде-Айгыр жайлоосунда 20-июнда болгон.
Куткаруучулар милиция жана жергиликтүү тургундар менен чогуу издөө иштерин жүргүзүп, 21-июнда баланы жашаган жеринен беш чакырым алыстыкта сай бойлоп бара жаткан жеринен таап, ата-энесине өткөрүп беришти.
Баланын ден соолугу, абалы жакшы экени айтылды. (RsK)
