Парламенттеги «Кыргызстан» фракциясынын депутаты Урматбек Самаевдин талапкерлиги Укук тартиби, кылмыштуулукка жана коррупцияга каршы күрөшүү комитетинин төрагасынын орун басарлыгына көрсөтүлдү.
Комитеттин бүгүнкү жыйынында анын фракциялашы Канат Исаев ушундай демилге көтөрдү. Бул комитетти «Ата Мекен» фракциясынын депутаты Наталья Никитенко жетектейт.
Урматбек Самаевдин ысымы буга чейин Токмоктогу кыргыз-казак чек арасындагы аткезчиликке байланыштуу чуулгандуу окуяда аталган.
Анда чек арада «аткезчилик менен алектенген эки топтун жаңжалында ок тийди» деген Аскат Үсөнов аттуу жаран видео аркылуу кайрылып, Урматбек Самаевди ачык күнөөлөп, президенттен жардам сураган. Депутат бул ишке тиешеси жок экенин, өзүнө карата каралоо күчөгөнүн айткан. (NT)
