Ысык-Көлдүн Чолпон-Ата шаарында 26-июнда таэквондо ITF боюнча Азия чемпиондугу жана Азия кубогу башталды.
Кыргызстандын таэквондо ITF бирикмесинин башчысы Эдуард Хегай билдиргендей, таймаштарга 15 мамлекеттен спортчулар жана калыстар келди.
Спортчулар Чолпон-Атадагы дене-тарбия жана саламаттыкты чыңдоо комплексинде күч сынашат. Калыстарга «Good Lake» пансионатында семинар да уюштурулат. Окуудан өткөн калыстар дүйнө чемпиондугуна барып, таймаштарды көзөмөлдөө мүмкүнчүлүгүн алат.
Ысык-Көлдөгү Азия чемпиондугу 30-июнда аяктайт.
