Линктер

ЧУКУЛ КАБАР!
19-Октябрь, 2021 шейшемби, Бишкек убактысы 02:42

ИИМ: Саляновду өлтүрүү ишинде саясий өңүт болушу мүмкүн деген божомол каралууда


Улан Саляновдун үйү. Бишкектин четиндеги Көк-Жар конушу. Сүрөт 2017-жылдын 6-ноябрында тартылган.

Кыргызстандын экс-башкы прокурору, Жогорку Кеңештин мурдагы депутаты Аида Салянованын бир тууган иниси Улан Саляновду өлтүрүү ишинде саясий өңүт бар болушу мүмкүн деген божомолдор каралууда. Бул тууралуу Ички иштер министрлиги бүгүн, 26-июнда тараткан маалыматта айтылат. Мындан сырткары азыркы учурда жогорудагы факты боюнча ыкчам тергөө иштери жүрүп жатканы белгиленген.

42 жаштагы Улан Саляновду 2017-жылы 6-ноябрда Бишкектин четинде жайгашкан Көк-Жар конушундагы үйүнө кирип, атып кетишкен. Кандуу окуяга байланыштуу сот жараяны былтыр сентябрда башталган.​

ИИМ бул кылмыш үчүн жалпысынан үч киши - Эрмек Осмонкулов, Асанэмир Абыкулов жана Заур Насруллаев шек саналып жатканын жарыялаган. Булардын арасынан Осмонкулов гана 2017-жылдын 27-декабрында Бишкектен кармалган. Милиция белгилегендей, майдын соңунда Москвадан кармалып, экстрадицияланганы айтылган Асанэмир Абыкулов негизги шектүү катары өтүп жатат. Үчүнчү шектүү, орус жараны Заур Насруллаев да Екатеринбург шаарынан 2018-жылы августта кармалган.

Аида Салянова инисинин өлүмүн «саясий буюртма» десе, милиция кылмышты карактоо катары мүнөздөп келген.

Саляновдун өлүмүнө байланыштуу ишти Биринчи май райондук соту 6-сентярдан тартып карай баштаган. (КЕ)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG