Линктер

ЧУКУЛ КАБАР!
29-Ноябрь, 2021 дүйшөмбү, Бишкек убактысы 11:05

Кыргыз-тажик чек арасындагы чыр алдын алынды


Иллюстрациялык сүрөт.

Кыргыз-тажик чек арасындагы Ак-Сай жана Ворух чектешкен аймакта тургундардын чыры алдын алынды. Жергиликтүү тургундар 25-июнда аталган аймакта ок атылганын “Азаттыкка” билдиришкен. Ак-Сай айылынын башчысы Эркин Жолчиев жергиликтүү тургундардын ортосунда чыр чыкканын ырастап, ок атылганы боюнча маалымат жок экенин билдирди.

- Тажикстандын жарандары Ворухтун ичинде жайлоодон келаткан машинеге таш ыргыткан. Азыр эки жактын милициялары сүйлөшүп, абал тынч эле, - деди ал.

Баткен районунун Тажикстан менен чектеш Ак-Сай айылынын калкы 2 миңдей адам. Бул айыл Тажикстандын 40 миңге чукул тургуну бар Ворух анклавы менен чектешип турат.

Эки өлкөнүн ортосундагы чек ара такталбагандыктан жол, суу, жайыт талаштан улам бул айылда тынымсыз чыр-чатак болуп турат. Быйыл 13-14-март күндөрү чатак чыгып, ок атылган. Ошол күндөн бери эки өлкөнүн милиция кызматкерлери бул айылдарда коомдук коопсуздукту биргелешип көзөмөлдөөсүн улантып келет. (KE)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG