28-30-июнга белгиленген “Kөl-Fest” музыка фестивалына Европадан, Азиядан, Борбор Азиядан жана Кыргызстандан музыкалык топтор, диджейлер катышат.
Жергиликтүү ыктыярчылар уюштуруп жаткан фестивалда европалык жана борбор азиялык музыканттардын шоусу, йога менен машыгуу, бий жана башка иш-чаралар уюштурулат.
Кийиз буюмдарынын мастер-классы да өткөрүлмөкчү. Сүрөтчүлөрдүн эмгектеринен турган инсталляциялар да коюлат.
“Kөl-Fest” деп аталган эл аралык музыка фестивалы биринчи ирет өтмөкчү. (КЕ)