Линктер

ЧУКУЛ КАБАР!
19-Октябрь, 2021 шейшемби, Бишкек убактысы 19:16

Иран байытылган урандын запасын көбөйттү


Ирандагы атомдук станция. Арак, 15-январь, 2011-жыл.

Иранда төмөн байытылган урандын запасы 2015-жылкы эл аралык келишимде каралган чектен өттү. ИРНА кабар агенттиги Ирандын тышкы иштер министри Мохаммад Жавад Зарифке шилтеме берип жазганына ылайык, 1-июлда запас 300 килограммдык лимиттен ашты.

Атомдук энергия боюнча эл аралык агенттик (МАГАТЭ) текшерүү жүргөндөн кийин маалымат берерин билдирди.

Былтыр майда АКШ көп тараптуу келишимден чыгып кеткен жана Тегеранга каршы санкцияларды калыбына келтирген. Ислам Республикасы «документке кол койгон Британия, Франция, Германия, Кытай жана Орусия санкциялардын өлкө экономикасына терс таасирин азайтуу аракетин көргөн жок» деп сындап, уран байытууну көбөйтөөрүн эскерткен. Европа мамлекеттери келишимди бузуунун арты олуттуу болоорун билдиришкен.

XS
SM
MD
LG