Суусамырдагы Көкөмерен суусуна машинеси менен кошо агып кеткени айтылган үй-бүлөнү издөөгө 93 куткаруучу жана 20 жөнөкөй тургун тартылды.
Болжолдуу кабарларга ылайык, «Ниссан Террано» үлгүсүндөгү машинеде өкмөттүн Чүй облусундагы өкүлчүлүгүнүн аппарат башчысы Молдакун Абдылдаев үй-бүлөсү менен келаткан. Алар кырсыкка кабылып, сууга кулаган бойдон дайынсыз.
Чүй облустук Ички иштер башкармалыгынын басма сөз кызматы окуя болгонун айтты. Милиция жолтандабаста Абдылдаев жана анын үй-бүлөсү болушу ыктымал экенин четке каккан жок.
Туугандарынын айтымында, машинеде беш киши бараткан. Алар акыркы жолу кырсык болгон аймакка жакын жерден телефондон байланышкан.
Молдакун Абдылдаев 2014-2018 президенттин Жогорку Кеңештеги ыйгарым укуктуу өкүлү болуп иштеген. (SE)