Линктер

ишемби, 20-июль, 2019 Бишкек убактысы 04:51

Казак полициясы митингге чыккан элди кармады


Алматы. 6-июль.

Казакстанда 6-июль күнү жүздөгөн адамдарды полиция кармап кетти.

Кармалгандар “Казакстандын демократиялык шайлоосу” кыймылынын жетекчиси Мухтар Аблязовду колдоо иретинде чыгышкан.

Нааразылык акциялары Нур-Султан, Алматы, Чымкент шаарларында өттү.

4-июлда Казакстандын Башкы прокуратурасы “6-июлда митингге чыккандар жазага тартыла турганын” маалымдаган.

Казакстанда буга чейин 9-10-июнда да митингдер өткөн. Анда Нур-Султанда жана Алматыда ар кандай эсеп боюнча миңге чукул киши кармалган. Анын 670и алты күндөн 16 күнгө чейин камалса, 115ине айыппул салынган.

Бийлик алардын кармалышын «зарыл болгон чара» деп сыпаттаса, БУУ жана «Human Rights Watch» баштаган эл аралык уюмдар адам укуктарын бузуу катары баалашкан.

9-июндагы президенттик шайлоодо бийликтин талапкери Касым-Жомарт Токаев 70 пайыздан ашуун добуш менен жеңип чыкканы расмий кабарланып, кызматка киришкен.

Сиздин пикир

пикирлерди көрсөт

XS
SM
MD
LG