Линктер

ЧУКУЛ КАБАР!
3-Декабрь, 2021 жума, Бишкек убактысы 03:52

«Манас» эпосунун кара сөз түрүндөгү романынын бет ачары болот


«Манас» эпосу.

Бишкекте бүгүн, 9-июлда «Манас» эпосунун кара сөз түрүндөгү эки томдуу романынын бет ачары болот. Китеп залкар манасчы Сагымбай Орозбаковдун вариантынын негизинде жазылган.

Жогорку Кеңештин басма сөз кызматы билдиргендей, аны депутат Азизбек Турсунбаевдин кеңешчиси Төлөнбай Жолдошов жазып чыккан. Биринчи томдо Манастын төрөлүшүнөн тартып, эр жетип, Ала-Тоону баскынчылардан бошоткону, кыргыз элин кайрадан туулуп-өскөн жерине алып келгени баяндалат.

Экинчи томдо Алооке кандын Манаска багынганынан баштап, баатырдын Каныкейге үйлөнгөнү камтылган.

Маалыматка караганда, буга чейин Кыргыз билим берүү академиясы романды орто мектептердин окуучулары, мугалимдерине «Манас» эпосун окууда кошумча материал катары колдонсо болот деген тыянакка келген. Автор романдын биринчи китебинин негизинде сценарий жазып, кинотасма тартууга даярдыктар көрүлүп жатканы да кабарланды. (NT)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG