Линктер

жекшемби, 18-август, 2019 Бишкек убактысы 12:52

Дүйнө чемпионатына тандоо оюндарында Кыргызстандын атаандаштары белгилүү болду


Кыргызстандын футбол боюнча улуттук курама командасы Азия кубогунун оюндарында. 21-январь, 2019-ж. Абу-Даби, БАЭ.

2022-жылы Катарда боло турган футбол боюнча дүйнө чемпионатынын тандоо оюндарынын 2-баскычында Кыргызстан менен мөрөй талаша турган атаандаштар аныкталды. Азия футбол конфедерациясынын расмий сайтындагы маалыматка таянсак, бүгүн, 17-июлда аталган уюмдун Малайзиянын Куала-Лумпур шаарында жайгашкан башкы кеңсесинде (штаб квартирасында) чүчү кулак кармоо аземи болду.

Чүчү кулак кармоого ФИФАнын 14-июнда жарыяланган рейтингине жараша бөлүнгөн Азия чөлкөмүнүн 40 командасы катышып, сегиз тайпага бөлүндү.

Кыргызстан F тайпасына туш болуп, Тажикстан, Жапония, Мьянма жана Монголия командары менен ойнойт.

Тандоо оюндарынын 2-баскычы Кыргызстан үчүн 5-сентябрда башталып, 2020-жылдын 9-июнуна чейин уланат.

Футбол боюнча дүйнө чемпионатына тандоо оюндарынын 2-баскычынын жыйынтыгында сегиз тайпанын жеңүүчүсү жана экинчи орунду ээлеген төрт мыкты команда 2023-жылы Кытайда боло турган Азия кубогуна жана 2022-жылы Катарда боло турган дүйнө чемпионатынын акыркы тандоо оюндарына жолдомо алат.

Калган 24 команда кийинки баскычта 2023-жылы боло турган Азия кубогуна 12 жолдомо үчүн ат салышат.

Чүчү кулак кармоонун жыйынтыгы:

A тайпасы: Гуам, Мальдив, Филиппин, Сирия, Кытай

В тайпасы: Непал, Кувейт, Кытай Тайбэйи, Иордания, Австралия

С тайпасы: Камбоджа, Гонконг, Бахрейн, Ирак, Иран

D тайпасы: Сингапур, Йемен, Палестина, Өзбекстан, Сауд Арабиясы,

E тайпасы: Бангладеш, Ооганстан, Индия, Оман, Катар

F тайпасы: Монголия, Мьянма, Тажикстан, Кыргызстан, Жапония

G тайпасы: Индонезия, Малайзия, Таиланд, Вьетнам, БАЭ

H тайпасы: Шри-Ланка, Түркмөнистан, КЭДР, Ливан, Корея

Кыргызстандын улуттук курама командасы катышкан оюндардын тизмеси:

5 сентябрь, 2019-жыл.

Мьянма – Кыргызстан

10-октябрь, 2019-жыл.

Кыргызстан – Тажикстан

15-октябрь, 2019-жыл.

Монголия – Кыргызстан

14-ноябрь, 2019-жыл.

Кыргызстан – Жапония

19-ноябрь, 2019-жыл.

Кыргызстан – Мьянма

31-март, 2020-жыл.

Тажикстан – Кыргызстан

4-июнь, 2020-жыл.

Кыргызстан – Монголия

9 июнь, 2020-жыл.

Жапония – Кыргызстан (ECh).

Сиздин пикир

пикирлерди көрсөт

XS
SM
MD
LG