Линктер

ЧУКУЛ КАБАР!
17-Октябрь, 2021 жекшемби, Бишкек убактысы 10:32

Иран: АКШга иштеген тыңчылар өлүм жазасына өкүм кылынды


Иллюстрациялык сүрөт.

Ирандын бийлиги АКШнын Борбордук чалгын башкармалыгына (ЦРУ) таандык "тыңчылар түйүнүн" аныктаганын, 17 киши кармалып, алардын айрымдары өлүм жазасына өкүм кылынганын билдирди.

Ирандын Чалгын министрлиги 22-июлдагы билдирүүсүндө тыңчылар тобу "ийгиликтүү талкаланганын", алардын мүчөлөрү Ирандын экономика, өзөктүк өндүрүш, армия тармактарында иш алып барып, жашыруун маалыматтарды топтоп келгенин белгиледи.

Министрликтин атын атабаган өкүлүнүн айтымында, 17 шектүүнүн бир бөлүгү узак убакытка абакка кесилди.

Ирандын мамлекеттик маалымат каражаттары билдиргендей, "тыңчы" деп мүнөздөлгөн адамдар быйыл март айында кармалган. Азырынча Вашингтон Тегерандын мындай билдирүүсүнө жооп бере элек.

АКШ 2018-жылдын май айында Ирандын өзөктүк программасы боюнча эл аралык келишимден чыккандан бери Вашингтон менен Тегерандын алакасы чыңалып турат.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG