22-июлдан баштап студенттерди Жогорку окуу жайларга кабыл алуунун 3-туру башталды. Бул тууралуу Билим берүү жана илим министрлигинен кабарлашты.
Учурда Жогорку окуу жайларда бош гранттык орундар калгандыктан Билим берүү министрлиги дагы бир тур өткөрүүгө уруксат берген. Үчүнчү тур 24-июлда саат 14:00дө аяктап, 25-июлда окууга кабыл алынгандардын тизмеси ар бир окуу жайдын алдында илинет.
Университеттерге абитуриенттерди кабыл алуунун экинчи туру 15-июлда башталып, 20-июлда жыйынтыкталган. Быйыл республика боюнча 2262 мектепте 9-классты 95 миң, 11-классты 61 миң улан-кыз аяктады. Быйыл 52 бүтүрүүчү жалпы республикалык тестирлөөдөн эң жогорку упай алып, «Алтын сертификатка» татыктуу болду. Алардын 19у аймактардан келгендер. (TSh)
