Линктер

ЧУКУЛ КАБАР!
25-Февраль, 2021 бейшемби, Бишкек убактысы 22:27

АКШ өлүм жазасын федералдык деңгээлде калыбына келтирет


АКШдагы түрмө.

Кошмо Штаттардын Юстиция министри Уильям Баррдын айтымында, ушул жылдын аягында жана келерки жылдын башында беш киши сот өкүмү менен өлүмгө тартылат. Алар "адам өлтүрүү" үчүн айыптуу деп табылышкан.

Бул өлкөдө өлүм жазасы 2003-жылдан бери федералдык деңгээлде ишке ашкан эмес.

АКШ 1963-1988-жылдары өлүм жазасын аткарууну убактылуу токтоткон. 2003-жылдан кийин федералдык деңгээлде формалдуу мораторий киргизилген.

Бирок бул жогорку жазаны айрым штаттардын бийликтери гана ишке ашырып келишкен.

"Death Penalty Information Center" уюмунун маалыматы боюнча ушу тапта АКШда 2 жарым миңдей киши сот тарабынан өлүмгө өкүм кылынган. Федералдык деңгээлде 62 киши, арасында 2013-жылы Бостондо теракт уюштурууга айыпталган чеченстандык Жохар Царнаев да бар.

21 штат жана Колумбия аймагы өлүм жазасын таптакыр жоюшкан. Өлүм жазасына уруксат берилген штаттарда 1990-жылдардын аягында 100 кишинин өкүмү аткарылса, 2018-жылы 25 кишиге жашоону токтоткон дары сайылган.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG