Бүгүн, 1-августта Кыргызстанга иш сапар менен өзбек премьер-министри Абдулла Арипов келет. Бул тууралуу кыргыз өкмөтүнүн басма сөз кызматы кабарлады.
Арипов менен кыргыз премьер-министри Мухаммедкалый Абылгазиевдин соңку жолугушуусу 2018-жылдын декабрында Ош шаарында өткөн. Анда кыргыз-өзбек өкмөт башчылары кызматташуу боюнча жол картасына кол коюшкан.
Бул жолку жолугушуунун күн тартиби айтыла элек.
Соңку үч жылда Өзбекстан Кыргызстанга экспортун беш эсе көбөйттү. 2016-жылы коңшулар Бишкекке болгону 67 миллион долларлык товар жөнөтсө, 2018-жылы бул сумма 350 миллион долларга чукулдады. (КЕ)
