Линктер

ЧУКУЛ КАБАР!
28-Октябрь, 2021 бейшемби, Бишкек убактысы 14:24

Бакиевди мактаган тасма үчүн Шакиев менен Келдибеков УКМКга чакыртылды


Курманбек Бакиев.

Курманбек Бакиевди даңазалаган тасмаларды көрсөткөн эки телекомпаниянын жетекчилери Улуттук коопсуздук боюнча мамлекеттик комитетке чакыртылды.

Бул тууралуу 1-августта "Азаттык" радиосуна УКМКнын басма сөз кызматынын өкүлү Асель Адылбек билдирди.

Анын айтымында, «New TV» жана «NUR TV» телерадиокомпанияларынын жетекчилери Шакиев Нурланбек Тургунбекович жана Келдибеков Бекболот Ахматбекович профилактикалык маекке чакырылды:

- Чагымчыл видеону жайылтууга жана коомдо тирешүүгө алып келе турган иш-аракеттерге тыюу салынары тууралуу расмий эскертүү берилди. Алар түшүнүү менен карап, мындан ары андай кайталанбастыгына милдеттенме алышты.

Курманбек Бакиев Кыргызстанды 2005-2010-жылдары башкарган. 2010-жылдын апрелинде элдик толкундоолордон кийин өлкөдөн качып кеткен бойдон үй-бүлөсү менен Беларустун борбору Минск шаарында жашайт.

1-августта ал 70 жашка толду.

30-июлда «New TV» жана «NUR TV» телеканалдары аны жактап, 70 жылдыгы менен куттуктаган тасмаларды көрсөткөн.

Шакиев Бакиев президент болуп турганда анын басма сөз катчысы болгон. "Азаттыктын" суроолоруна жооп берип жатып ал "Бакиев жөнүндө тасмага тиешебиз жок, бирок аны көрсөтүүнү туура көрдүк. Саясий да, коммерциялык да максатыбыз жок" деп айткан.

УКМК бул боюнча 31-июлда оозеки эскертүү тараткан. (RK)

Пикирлерди көрүңүз (25)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG