Линктер

ЧУКУЛ КАБАР!
3-Декабрь, 2021 жума, Бишкек убактысы 10:30

Футбол жылдызы Месси жазага тартылды


Лионел Месси.

Түштүк Американын футбол конфедерациясы (ТАФК) Аргентинанын курама командасынын чабуулчусу Лионел Мессини үч айга дисквалификация кылды жана 1500 доллар айыппул салды. Бул тууралуу чет элдик басылмалар жазып чыкты.

6-июлда, Америка Кубогунун алкагында коло байге үчүн Чили менен Аргентинанын курама командалары беттешип жаткан учурда Месси Чилинин курама командасынын коргоочусу Гари Медел менен чырдаша кетип, кызыл айып кагазын алган.

Ага чейин Месси Аргентина жана Бразилия беттешин тейлеген калыстарга сын айтып, Түштүк Американын футбол конфедерациясынын жетекчилерин коррупцияга байланыштуу айыптаган. Нааразылык иретинде ал беттештен соң сыйлоо аземине чыкпай койгон.

Жазага ылайык футболчу Аргентинанын курама командасынын дүйнө чемпионатынын алгачкы тандоо оюнуна катыша албайт.

Түштүк Американын футбол конфедерациясынын тартип комитети жетекчилерге карата айткан сын пикири үчүн футболчуну жоопко тартууну көздөп жатканын эл аралык басылмалар жазышууда. Спорт серепчилеринин баамында, эгер ТАФК футболчуну жазалай турган болсо, ал Аргентинанын курама командасынын катарынан эки жылга дисквалификацияланат.

Лионел Месси өз карьерасында эки ирет гана кызыл айып кагазын алган. Биринчиси - 2005-жылы Европа Супер кубогуда Венгрия менен Аргентинанын курама командаларынын беттешинде болсо, экинчиси быйыл июль айында өткөн Америка Кубогунда Чили менен Аргентина беттешинде оюндан четтетилген. (GT)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG