Мурдагы президент Алмазбек Атамбаевдин Кой-Таштагы үйүндө анын тарапкерлеринин жыйыны башталды. Чогулгандардын алдында Мээрбек Мискенбаев, Алга Кылычов сүйлөштү.
Мискенбаев бийлик элге ок атканын айтып, «Ак үйдүн» алдына барып президент Сооронбай Жээнбековдун кызматтан кетишин талап кылууга чакырды.
7-августта Атамбаевди кармоо операциясы ишке ашпай калды.
Жалпысынан кечээ күнкү окуяда жабыркаган элүүдөн ашуун адам ооруканага кайрылды, бирөө курман болду. Курман болгон адам күч органынын кызматкери экени белгилүү. (BTo)
