Линктер

ЧУКУЛ КАБАР!
4-Декабрь, 2021 ишемби, Бишкек убактысы 00:58

Түндө үч жерде «Коопсуз шаардын» камералары талкаланды


Талкаланган аппарат. 9-август, 2019-жыл.

9-августка караган түнү Бишкектин айрым жерлеринде «Коопсуз шаар» долбоорунун видеокөзөмөл камералары талкаланды.

Маалымат технологиялары жана байланыш комитети билдиргенине караганда, 7-апрель жана Токомбаев көчөлөрүнүн кесилишинде аппараттык-программалык комплекс толук талкаланды. Чүй-Шопоков жана Бөкөнбаев-Абдрахманов кесилиштеринде видеобайкоо гана иштен чыкты, жол коопсуздук эрежелерин каттаган аппараттык-программалык комплекс штаттык режимде иштеп жатат.

Учурда келтирилген зыяндын суммасы эсептелүүдө. Ошондон кийин тартип коргоо органдарына арыз жазылат.

Мекеме өкүлдөрү белгилегендей, камералар талкалоо учурун толук тартып алган, кылмышкерлер ошонун негизинде аныкталат. Талкаланган техника жакын арада оңдолот.

8-августта Ички иштер министрлиги мурдагы президент Алмазбек Атамбаевдин Кой-Таштагы үйүнөн кармап кетти. Ага чейин ал кримтөбөл Азиз Батукаевдин 2013-жылы түрмөдөн мыйзамсыз бошотулушуна байланыштуу кылмыш ишинин алкагында үч жолу суракка чакырылып, барбай койгон. Атамбаевдин тарапкери деген 500-600дөй адамдан турган жаалданган топ Кой-Таштан бери Бишкекке жөө келген. (RK)

Пикирлерди көрүңүз (17)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG