Линктер

ЧУКУЛ КАБАР!
5-Декабрь, 2021 жекшемби, Бишкек убактысы 08:14

Алмазбек Атамбаев 26-августка чейин камалды


Алмазбек Атамбаевди кармоо операциясы учурундагы сүрөт. 8-август. 2019. Кой-Таш.

Мурдагы президент Алмазбек Атамбаев 26-августка чейин УКМКнын тергөө абагына камалды. Анын бөгөт чарасын Бишкектин Биринчи май райондук соту 9-августта караганын аталган мекеме билдирди.

Маалыматка караганда, Атамбаев Жазык кодексинин «Кылмышка кошо катышуу» (43-берене, 2-бөлүк) жана «Коррупция» (319-берене, 2-бөлүк) беренелери боюнча шек саналууда.

Сот Атамбаевдин бөгөт чарасы кримтөбөл Азиз Батукаевди мөөнөтүнөн мурда абактан бошотуу фактысына байланыштуу тандалганын кошумчалады.

8-августта күч түзүмдөрүнүн атайын операциясынын экинчи күнүндө мурдагы президент Алмазбек Атамбаев кармалган. Аны саат 19:00дөр чамасында күч органдары Чүйдүн Кой-Таш айылындагы үйүнөн, сүйлөшүүлөрдөн кийин кармашкан.

Кыргызстанды 2011-2017-жылдар аралыгында башкарган Алмазбек Атамбаевдин 2013-жылы кримтөбөл Азиз Батукаевдин абактан бошоп кетишине тиешеси бар экени айтылып, милицияга үч жолу суракка чакырылган. Бирок ал баруудан баш тарткан. (КЕ)

Пикирлерди көрүңүз (18)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG