Линктер

ЧУКУЛ КАБАР!
22-Июль, 2024-жыл, дүйшөмбү, Бишкек убактысы 07:27

Бишкекте 8-август түнү кармалган беш адам эки айга камалды


Ала-Тоо аянты. 8-август, 2019-жыл.
Ала-Тоо аянты. 8-август, 2019-жыл.

Биринчи май райондук соту Бишкекте 8-августан 9-августка караган түнү коомдук тартипти бузуп, башаламандык үчүн айыпталган беш кишинин ишин карап, эки айга камакка алды. Бул тууралуу Биринчи май райондук сотунун басма сөз кызматынын өкүлү Асел Равшанбекова билдирди.

Маалыматка ылайык кармалгандарга Жазык кодексинин 266-беренесинин менен («Ээнбаштык» жана «Бирөөнүн мүлкүнө кол салуу») айып коюлууда. Тергөөнүн версиясы боюнча алар мурдагы президент Алмазбек Атамбаевди кармоо операциясынан кийин Бишкек шаарындагы Ала Тоо аянтына топтолуп, башаламандык кылууга аракет кылышкан.

Бул тартип бузуу фактыларына байланыштуу кырктан ашык адам кармалып, убактылуу камалганын Бишкек шаардык ички иштер башкармалыгы билдирген. Калгандарынын жагдайы тууралуу ИИМ кеңири маалымат таратыла элек. (GT/BkA)

XS
SM
MD
LG