Бул тууралуу Ысык-Көл районунун акими Данир Иманалиев билдирди. Анын айтымында, 10-августта аба ырайы кескин өзгөрүп, көл жээгинде катуу шамал болгон. Ошондон улам көлдө толкун күчөп, суу ичиндеги бир топ адамдар чыга албай калышкан. Натыйжада Чолпон-Атада 29 жаштагы, «Бостери» эс алуу жайында 30 жаштагы жигит, 12 жаштагы өспүрүм жана Кош-Көл айылында дагы бир адам чөгүп кетти.
Былтыр жайкы эс алуу мезгилинде Ысык-Көл районунун аймагынан 23 киши чөгүп каза болгон. Быйыл ушул мезгилге карата 13 адам каза болду. (KS)
