Линктер

ЧУКУЛ КАБАР!
30-ноябрь, 2020 дүйшөмбү, Бишкек убактысы 02:16

Кыргызстанда диний уюмдар көбөйдү


Кыргызстандагы ар кайсы диний конфессиялар менен уюмдардын өкүлдөрү жыйындардын биринде. Иллюстрациялык сүрөт.

2018-жылдын жыйынтыгы менен Кыргызстанда катталган диний уюмдардын саны 3319га жетти. Бул тууралуу Улуттук статистика комитетинин 2014-2018-жылдарга карата «Кыргызстан цифраларда» аттуу жаңы жыйнагында маалымдалды.

Анда белгиленгендей, 2014-жылы өлкөдө 2 600 диний уюм болгон жана беш жылда алар 719га көбөйдү. Басылмада маалыматтар Дин иштери боюнча мамлекеттик комиссиядан алынганы белгиленет.

Былтыркы жылдын эсебиндеги 3319 диний бирикменин 2 910у ислам, 395и христиан, 12си жаңы диний ишенимдерге жана агымдарга тиешелүү. Иудаизм менен буддизм динин тутунгандардын бирден уюму бар.

Улуттук статистика комитети акыркы беш жылдагы социалдык-экономикалык жагдай, каржы-соода тармагы, калктын турмушу, медицина, тейлөө, билим берүү, туризм, коомдук уюмдар, бирикмелер жана башка тармактар тууралуу басылманы ар жылдын ортолорунда жарыялап турат. 2014-2018-жылдардын жыйынтыгы 2019-жылдын август айында жарык көрдү. (ErN)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG