Линктер

ЧУКУЛ КАБАР!
30-Ноябрь, 2021 шейшемби, Бишкек убактысы 18:01

Тажикстанда сойкулук үчүн жаза күчөтүлдү


Иллюстрациялык сүрөт.

Тажикстанда сойкулук үчүн жазаны күчөтүү каралган Административдик кодекстеги өзгөртүү күчүнө кирди. Ага ылайык, мындан ары сойкулук кылган деп кармалгандарга 1100 сомониден 1650 сомониге чейин (110-165 АКШ доллары) айыппул салынат. Эгер ал жаран кайра кармалса 1650 сомониден 2750 сомониге чейин (165-275 доллар) айыппул төлөйт, же болбосо 15 суткага камалат.

Тажик парламенти сойкулук үчүн жазаны күчөтүү максатында 2015-жылы күзүндө Административдик кодекске өзгөртүү киргизген. Тажикстанда сойкулук кылмыш болуп эсептелбейт, бирок аны менен алектенгендер административдик жоопкерчиликке тартылат.

Тажик милициясынын маалыматы боюнча, 2018-жылы ушундай жол менен акча тапкан алты миңге жакын аял каттоого алынган. Алардын арасында өспүрүм кыздар да болгон.

Укук коргоочулар, кыз-келиндер сойкулукка аргасыз барарын айтып, жазаны күчөтүүнүн кесепети оор болоорун эскертип жатышат.

Тажикстандагы укук коргоо уюмдары былтыр Бириккен Улуттар Уюму (БУУ) үчүн даярдаган баяндамада сойкулук менен алектенген кыз-келиндер зордук-зомбулукка кабылган учурлар көбөйгөнү, буга көп учурда укук коргоо органдарынын кызматкерлери аралашары айтылган.

БУУнун комитетинин мүчөлөрү тажик бийлигин сойкулук үчүн жазаны таптакыр алып салууга чакырган.

XS
SM
MD
LG