Линктер

ЧУКУЛ КАБАР!
25-Октябрь, 2021 дүйшөмбү, Бишкек убактысы 08:01

Ашхабаддын дүкөндөрүндө мектеп формасы карызга берилүүдө


Иллюстрациялык сүрөт.

Ашхабад шаарындагы дүкөндөр кардарларга мектеп формасын жана окуу куралдарын бөлүп төлөө шарты менен алууну сунуш кылып жатышат. Бул тууралуу «Түркмөнстан хроникасы» басылмасы кабарлады.

Басылма белгилегендей, мектепке керектүү товарлар карызга бериле тургандыгы жөнүндөгү жарыялар көп кабаттуу үйлөрдүн кире бериштерине илинүүдө. Дүкөндөр калктын төлөө мүмкүндүгү төмөндөп, кардарлары азайгандыктан улам ушундай кадамдарга барууда.

Маалыматка караганда, кардар товарды бөлүп төлөө шарты менен алыш үчүн учурда иштеп жатканын жана кирешеси бар экенин ырастаган документтерди көрсөтүшү керек болот.

«Бул документтерди көрсөткөндөн кийин алар тандаган товарын күрөөсүз эле алып кете алат. Жалгыз чектөө - алган товардын баасы анын бир айлык кирешесинен ашык болбошу керек», деп жазды басылма.

Түркмөнстанда былтыр бир баланын мектеп формасы менен окуу куралдарынын эң төмөнкү баасы 600 манатты түзгөн.

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG